Xəbərlər

Gəncə KOB İnkişaf Mərkəzi (KOBİM) tərəfindən "İnternet təhlükəsizliyi və şəxsi məlumatların qorunması" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "İnternet təhlükəsizliyi və şəxsi məlumatların qorunması" mövzusunda maarifləndirici təlim keçirilib. Sentyabrın 11-də təşkil olunan təlimdə Gəncə KOBİM-in eksperti tərəfindən internet təhlükəsizliyinin mahiyyəti, kiberhücumların növləri, şəxsi məlumatların qorunmasının əsas prinsipləri, təhlükəsiz şifrə siyasəti və müasir rəqəmsal təhlükəsizlik trendləri barədə ətraflı məlumat verilib. Eyni zamanda 5 nəfər iştirakçının olduğu təlimdə şəxsi məlumatların məxfiliyinin təmin olunması, sosial mühəndislik hücumlarının qarşısının alınması, məlumatların şifrələnməsi, rəqəmsal cihazlarda təhlükəsizlik tədbirləri və istifadəçilərin maarifləndirilməsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.