Xəbərlər

"Biznesə başla: Startaplara dövlət dəstəyi" və "Maliyyə idarəetmə: Vergi tənzimləmə prinsipləri" mövzularında maarifləndirici təlimlər keçiriləcək.

Noyabrın 21-də Gəncə KOB İnkişaf Mərkəzi (KOBİM) tərəfindən "Biznesə başla: Startaplara dövlət dəstəyi" və "Maliyyə idarəetmə: Vergi tənzimləmə prinsipləri" mövzularında maarifləndirici təlimlər keçiriləcək. Təlim zamanı Gəncə KOBİM-in peşəkar eksperti Elşad Fərzaliyev aşağıdakı mövzulardan danışacaq: - Biznesə başlayan zaman diqqət etməli olduğumuz məqamlar; - Startapların ənənəvi bizneslərdən fərqi; - Startaplara dövlət dəstəyi və kriteriyalar; - Vergi tənzimləmə mexanizmləri; - Startaplara vergi güzəştləri. Birinci təlim 21 noyabr saat 10:00-da, ikinci təlim eyni gün 14:00-da keçiriləcəkdir. İştirak etmək üçün (+994) 51 919-60-84 nömrəsi ilə əlaqə saxlaya və ya gence@kobim.az elektron poçt ünvanına müraciət edə bilərsiniz. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.