Xəbərlər

Gəncə KOB İnkişaf Mərkəzi (KOBİM) tərəfindən 7 nəfər sahibkara biznes planın yazılması istiqamətində məsləhət xidməti göstərilib.

Noyabrın 7-də Gəncə KOB İnkişaf Mərkəzi (KOBİM) tərəfindən 7 nəfər sahibkara biznes planın yazılması istiqamətində məsləhət xidməti göstərilib. Gəncə KOBİM-ə meyvə-tərəvəz satışı, şərab zavodu, ferma, uşaq tekistil maqazini, psixologiya mərkəzi və bijuteriya maqazini istiqaməti üzrə fəaliyyət göstərən sahibkarlar İlqar Cəfərov, Elmir Qasımlı, Ələsgər Kərimov, Nigar Nuriyeva, Amil Qocayev, Səbuhi Həsənov və Vəfa Hüseynova müraciət edərək biznes planın yazılması istiqamətində dəstəyə ehtiyacı olduğunu bildirib. Nəticə olaraq Gəncə KOBİM-in eksperti tərəfindən qeyd olunan sahə üzrə araşdırmalar və təhlillər aparılaraq sahibkarlara dəstək göstərilib. Zərurət yarandığı təqdirdə KOB subyektinə bu və ya digər mövzularla bağlı dəstək göstərilməsi davam etdiriləcək. Qeyd edək ki, Gəncə KOBİM-in xidmətlərindən faydalanmaq üçün (+994) 51 919-60-84 nömrəsi ilə əlaqə saxlaya və ya gence@kobim.az elektron poçt ünvanına müraciət edə bilərsiniz. Gəncə KOBİM tərəfindən göstərilən bütün xidmətlər ödənişsizdir.