Xəbərlər

Gəncə KOB İnkişaf Mərkəzi (KOBİM) tərəfindən "Aktiv dinləmə vərdişləri" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Aktiv dinləmə vərdişləri" mövzusunda maarifləndirici təlim keçirilib. Sentyabrın 10-da təşkil olunan təlimdə Gəncə KOBİM-in eksperti tərəfindən aktiv dinləmənin mahiyyəti, ünsiyyətdə dinləmənin əsas prinsipləri, qarşı tərəfi anlamağın və düzgün suallar verməyin əhəmiyyəti, empatiyanın ünsiyyətdə rolu və müasir yanaşmalar barədə ətraflı məlumat verilib. Eyni zamanda 8 nəfər iştirakçının olduğu təlimdə dinləmə maneələrinin aradan qaldırılması, bədən dilindən düzgün istifadə, konfliktlərin həllində aktiv dinləmənin rolu və komanda işində effektiv ünsiyyətin qurulması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.