Xəbərlər

Gəncə KOB İnkişaf Mərkəzi (KOBİM) tərəfindən "Avtomatik hesablamalar və formulalar" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Avtomatik hesablamalar və formulalar" mövzusunda maarifləndirici təlim keçirilib. Noyabrın 19-da təşkil olunan təlimdə Gəncə KOBİM-in eksperti tərəfindən maliyyə və əməliyyat proseslərində avtomatlaşdırılmış hesablamaların tətbiqi, elektron cədvəllərdə formulaların qurulması, məlumatların düzgün strukturlaşdırılması və iş proseslərinin səmərəliliyinin artırılması barədə ətraflı məlumat verilib. Eyni zamanda 5 nəfər iştirakçının olduğu təlimdə məntiqi və riyazi formulalar, şərti formatlaşdırma, dinamik hesablamalar, məlumatların avtomatik yenilənməsi və praktiki nümunələr üzərində funksiyaların tətbiqi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.