Xəbərlər

Gəncə KOB İnkişaf Mərkəzi (KOBİM) tərəfindən "Balans, mənfəət-zərər hesabatları" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Balans, mənfəət-zərər hesabatları" mövzusunda maarifləndirici təlim keçirilib. Noyabrın 6-da təşkil olunan təlimdə Gəncə KOBİM-in eksperti tərəfindən maliyyə hesabatlarının əsas prinsipləri, balans hesabatının və mənfəət-zərər hesabatının hazırlanması, maliyyə vəziyyətinin düzgün təhlili və qərarvermədə istifadəsi barədə ətraflı məlumat verilib. Eyni zamanda 6 nəfər iştirakçının olduğu təlimdə maliyyə göstəricilərinin oxunması, hesabatların biznes performansına təsiri, həmçinin hesabatların şəffaf və düzgün aparılmasının əhəmiyyəti ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.