Xəbərlər

Gəncə KOB İnkişaf Mərkəzi (KOBİM) tərəfindən "Bioenerjidə yeni nəsil texnologiyalar" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Bioenerjidə yeni nəsil texnologiyalar" mövzusunda maarifləndirici təlim keçirilib. Noyabrın 5-də təşkil olunan təlimdə Gəncə KOBİM-in eksperti tərəfindən bərpa olunan enerji mənbələri arasında bioenerjinin rolu, biomassa və bioloji tullantılardan enerji istehsalı, həmçinin yeni nəsil bioyanacaq texnologiyalarının tətbiqi imkanları barədə ətraflı məlumat verilib. Eyni zamanda 5 nəfər iştirakçının olduğu təlimdə bioenerji sahəsində innovativ yanaşmalar, ekoloji üstünlüklər, enerji səmərəliliyinin artırılması üsulları və yaşıl iqtisadiyyatın inkişafında bioenerjinin əhəmiyyəti ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.