Xəbərlər

Gəncə KOB İnkişaf Mərkəzi (KOBİM) tərəfindən "Biznes danışıqları və razılaşma bağlama" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Biznes danışıqları və razılaşma bağlama" mövzusunda maarifləndirici təlim keçirilib. Noyabrın 3-də təşkil olunan təlimdə Gəncə KOBİM-in eksperti tərəfindən effektiv danışıqların aparılması, qarşı tərəflə etibarlı münasibətlərin qurulması, danışıq strategiyaları və taktikalardan düzgün istifadə barədə ətraflı məlumat verilib. Eyni zamanda 5 nəfər iştirakçının olduğu təlimdə praktiki nümunələr üzərində danışıqların mərhələləri, etirazların idarə olunması və razılaşmanın uğurla yekunlaşdırılması yolları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.