Xəbərlər

Gəncə KOB İnkişaf Mərkəzi (KOBİM) tərəfindən "Brend imicinin sosial şəbəkələrdə qurulması" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Brend imicinin sosial şəbəkələrdə qurulması" mövzusunda maarifləndirici təlim keçirilib. Sentyabrın 26-da təşkil olunan təlimdə Gəncə KOBİM-in eksperti tərəfindən brend imicinin formalaşdırılması, sosial şəbəkələrdə mövqeləndirmə, vizual üslub və məzmun strategiyası, izləyici auditoriyası ilə ünsiyyət və müasir rəqəmsal PR yanaşmaları barədə ətraflı məlumat verilib. Eyni zamanda 6 nəfər iştirakçının olduğu təlimdə sosial mediada brend dəyərlərinin nümayişi, reputasiya idarəçiliyi, kreativ kontentin hazırlanması, interaktiv alətlərin istifadəsi və izləyici loyallığının gücləndirilməsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.