Xəbərlər

Gəncə KOB İnkişaf Mərkəzi (KOBİM) tərəfindən "Cəmiyyətin sosial və ekoloji ehtiyaclarının müəyyənləşdirilməsi" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Cəmiyyətin sosial və ekoloji ehtiyaclarının müəyyənləşdirilməsi" mövzusunda maarifləndirici təlim keçirilib. Sentyabrın 11-də təşkil olunan təlimdə Gəncə KOBİM-in eksperti tərəfindən cəmiyyətin sosial inkişafı, ekoloji dayanıqlılıq prinsipləri, sosial məsuliyyət anlayışı, ətraf mühitin qorunması və müasir yanaşmalar barədə ətraflı məlumat verilib. Eyni zamanda 6 nəfər iştirakçının olduğu təlimdə sosial və ekoloji ehtiyacların müəyyənləşdirilməsi, biznesin sosial məsuliyyəti, ekoloji risklərin idarə olunması, yaşıl iqtisadiyyat konsepsiyası və davamlı inkişaf strategiyalarının tətbiqi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.