Xəbərlər

Gəncə KOB İnkişaf Mərkəzi (KOBİM) tərəfindən "Dəyər zənciri analizi" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Dəyər zənciri analizi" mövzusunda maarifləndirici təlim keçirilib. Oktyabrın 17-də təşkil olunan təlimdə Gəncə KOBİM-in eksperti tərəfindən dəyər zəncirinin mahiyyəti, istehsal və xidmət proseslərində dəyər yaratma mərhələləri, resursların səmərəli bölüşdürülməsi, rəqabət üstünlüyü əldə etmə yolları və müasir biznes modelləri barədə ətraflı məlumat verilib. Eyni zamanda 5 nəfər iştirakçının olduğu təlimdə dəyər zəncirinin elementlərinin analizi, daxili və xarici proseslərin əlaqələndirilməsi, xərclərin optimallaşdırılması, müştəri dəyərinin artırılması və innovativ dəyəryaratma strategiyaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.