Xəbərlər

Gəncə KOB İnkişaf Mərkəzi (KOBİM) tərəfindən "E-mail marketinq" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "E-mail marketinq" mövzusunda maarifləndirici təlim keçirilib. Oktyabrın 17-də təşkil olunan təlimdə Gəncə KOBİM-in eksperti tərəfindən e-mail marketinqin mahiyyəti, rəqəmsal kommunikasiya vasitəsi kimi əhəmiyyəti, hədəf auditoriyaya yönəlmiş e-mail kampaniyalarının qurulması prinsipləri, kontent və dizaynın təsir gücü, həmçinin müasir e-mail marketinq alətləri barədə ətraflı məlumat verilib. Eyni zamanda 6 nəfər iştirakçının olduğu təlimdə abonent bazasının formalaşdırılması, fərdiləşdirilmiş mesaj strategiyaları, açılma və klik göstəricilərinin analizi, avtomatlaşdırılmış e-mail axınlarının yaradılması və effektiv nəticə əldə etmə üsulları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.