Xəbərlər

Gəncə KOB İnkişaf Mərkəzi (KOBİM) tərəfindən "ƏMAS" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "ƏMAS" mövzusunda maarifləndirici təlim keçirilib. Sentyabrın 26-da təşkil olunan təlimdə Gəncə KOBİM-in eksperti tərəfində ƏMAS haqqında ümumi məlumat, onun tətbiqi imkanları, işəgötürən və işçilər üçün üstünlükləri, rəqəmsal idarəetmədə rolu və müasir yanaşmalar barədə ətraflı məlumat verilib. Eyni zamanda 14 nəfər iştirakçının olduğu təlimdə ƏMAS platformasında qeydiyyat və istifadənin əsas mərhələləri, əmək müqavilələrinin elektron qaydada rəsmiləşdirilməsi, şəffaflığın təmin olunması, hesabatlılıq və dövlət nəzarətində elektron sistemlərin rolu ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.