Xəbərlər

Gəncə KOB İnkişaf Mərkəzi (KOBİM) tərəfindən "Komanda ilə iş və əməkdaşlıq" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Komanda ilə iş və əməkdaşlıq" mövzusunda maarifləndirici təlim keçirilib. Sentyabrın 22-də təşkil olunan təlimdə Gəncə KOBİM-in eksperti tərəfindən komanda ilə işləməyin mahiyyəti, əməkdaşlığın təşkilati müvəffəqiyyətdə rolu, effektiv ünsiyyət prinsipləri, iş bölgüsünün əhəmiyyəti və müasir komanda idarəçiliyi trendləri barədə ətraflı məlumat verilib. Eyni zamanda 5 nəfər iştirakçının olduğu təlimdə komanda daxili əməkdaşlıq strategiyaları, liderlik və motivasiya üsulları, konfliktlərin idarə olunması, qarşılıqlı etimadın formalaşdırılması və rəqəmsal mühitdə komanda ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.