Xəbərlər

Gəncə KOB İnkişaf Mərkəzi (KOBİM) tərəfindən "Konflikt idarəsi" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Konflikt idarəsi" mövzusunda maarifləndirici təlim keçirilib. Oktyabrın 20-də təşkil olunan təlimdə Gəncə KOBİM-in eksperti tərəfindən iş mühitində konfliktlərin mahiyyəti, yaranma səbəbləri, effektiv ünsiyyətin konfliktlərin qarşısının alınmasında rolu, idarəetmədə emosional zəkanın əhəmiyyəti və müasir konflikt idarəetmə strategiyaları barədə ətraflı məlumat verilib. Eyni zamanda 6 nəfər iştirakçının olduğu təlimdə münaqişələrin diaqnostikası və həlli üsulları, əməkdaşlıq və kompromis yanaşmaları, komanda dinamikasında konfliktlərin rolu, stressin idarə olunması və sağlam iş münasibətlərinin formalaşdırılması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.