Xəbərlər

Gəncə KOB İnkişaf Mərkəzi (KOBİM) tərəfindən "Məhsul mövqeləndirmə" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Məhsul mövqeləndirmə" mövzusunda maarifləndirici təlim keçirilib. Oktyabrın 31-də təşkil olunan təlimdə Gəncə KOBİM-in eksperti tərəfindən məhsul mövqeləndirmənin mahiyyəti, bazarda fərqlənmə strategiyaları, hədəf auditoriyanın seçilməsi, brendin dəyərlərinin formalaşdırılması və effektiv kommunikasiya üsulları barədə ətraflı məlumat verilib. Eyni zamanda 7 nəfər iştirakçının olduğu təlimdə mövqeləndirmə xəritələrinin hazırlanması, rəqiblərin təhlili, məhsul imicinin idarə olunması, bazar seqmentasiyası və müştəri algısına əsaslanan strategiyaların qurulması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.