Xəbərlər

Gəncə KOB İnkişaf Mərkəzi (KOBİM) tərəfindən "Mobil tətbiqlər" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Mobil tətbiqlər" mövzusunda maarifləndirici təlim keçirilib. Oktyabrın 23-də təşkil olunan təlimdə Gəncə KOBİM-in eksperti tərəfindən mobil tətbiqlərin biznesdə rolu, rəqəmsal transformasiyada əhəmiyyəti, mobil texnologiyaların istifadəçi təcrübəsinə təsiri, tətbiqlərin hazırlanması prinsipləri və müasir trendlər barədə ətraflı məlumat verilib. Eyni zamanda 8 nəfər iştirakçının olduğu təlimdə mobil tətbiqlərin marketinqdə istifadəsi, müştəri ilə qarşılıqlı əlaqə imkanları, məlumat təhlükəsizliyi, tətbiq performansının optimallaşdırılması və rəqəmsal mühitdə rəqabət üstünlüyünün formalaşdırılması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.