Xəbərlər

Gəncə KOB İnkişaf Mərkəzi (KOBİM) tərəfindən "Müştəri profilinin yaradılması (Target Audience)" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Müştəri profilinin yaradılması (Target Audience)" mövzusunda maarifləndirici təlim keçirilib. Sentyabrın 24-də təşkil olunan təlimdə Gəncə KOBİM-in eksperti tərəfindən hədəf auditoriyanın müəyyənləşdirilməsi, müştəri seqmentlərinin təhlili, davranış və ehtiyacların araşdırılması, bazar trendlərinin izlənilməsi və effektiv marketinq strategiyalarının qurulması barədə ətraflı məlumat verilib. Eyni zamanda 7 nəfər iştirakçının olduğu təlimdə müştəri profilinin hazırlanması, demoqrafik və psixoqrafik xüsusiyyətlərin təhlili, müştəri ehtiyaclarına uyğun məhsul və xidmətlərin formalaşdırılması, fərdiləşdirilmiş marketinq yanaşmaları və rəqəmsal alətlərdən istifadə ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.