Xəbərlər

Gəncə KOB İnkişaf Mərkəzi (KOBİM) tərəfindən "Onlayn ödənişlər" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Onlayn ödənişlər" mövzusunda maarifləndirici təlim keçirilib. Oktyabrın 2-də təşkil olunan təlimdə Gəncə KOBİM-in eksperti tərəfindən onlayn ödəniş sistemlərinin mahiyyəti, rəqəmsal ticarətdə ödəniş üsulları, təhlükəsizlik prinsipləri, müştəri rahatlığının təmin olunması və müasir ödəniş texnologiyaları barədə ətraflı məlumat verilib. Eyni zamanda 5 nəfər iştirakçının olduğu təlimdə ödəniş platformalarının seçilməsi, tranzaksiya xərclərinin idarə olunması, elektron pul kisələrinin istifadəsi, sürətli və təhlükəsiz əməliyyatların təşkili və kiçik bizneslər üçün onlayn ödəniş imkanları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.