Xəbərlər

Gəncə KOB İnkişaf Mərkəzi (KOBİM) tərəfindən "Peşəkarlıq" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Peşəkarlıq" mövzusunda maarifləndirici təlim keçirilib. Oktyabrın 6-da təşkil olunan təlimdə Gəncə KOBİM-in eksperti tərəfindən peşəkarlığın mahiyyəti, iş mühitində etik davranış prinsipləri, məsuliyyət və etibarlılığın əhəmiyyəti, şəxsi inkişaf və komanda əməkdaşlığında peşəkar münasibətin rolu barədə ətraflı məlumat verilib. Eyni zamanda 5 nəfər iştirakçının olduğu təlimdə peşəkar imicin formalaşdırılması, vaxtın idarə olunması, qərarvermə və problem həll etmə bacarıqları, işgüzar ünsiyyət və özünüinkişaf strategiyaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.