Xəbərlər

Gəncə KOB İnkişaf Mərkəzi (KOBİM) tərəfindən "Qiymət strategiyaları" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Qiymət strategiyaları" mövzusunda maarifləndirici təlim keçirilib. Oktyabrın 29-da təşkil olunan təlimdə Gəncə KOBİM-in eksperti tərəfindən qiymətqoyma prosesinin mahiyyəti, bazar və rəqib analizinə əsaslanan qiymət strategiyalarının seçilməsi, məhsulun dəyərinə uyğun qiymətin müəyyənləşdirilməsi və müştəri davranışına təsir edən faktorlar barədə ətraflı məlumat verilib. Eyni zamanda 7 nəfər iştirakçının olduğu təlimdə qiymət strategiyasının əsas məqsədləri, dəyər əsaslı qiymətqoyma, endirim və kampaniya siyasəti, rəqabət şəraitində optimal qiymət strategiyalarının qurulması, həmçinin psixoloji qiymət modellərinin tətbiqi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.