Xəbərlər

Gəncə KOB İnkişaf Mərkəzi (KOBİM) tərəfindən "Rəqəmsal reklam" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Rəqəmsal reklam" mövzusunda maarifləndirici təlim keçirilib. Oktyabrın 15-də təşkil olunan təlimdə Gəncə KOBİM-in eksperti tərəfindən rəqəmsal reklamın mahiyyəti, onlayn platformalarda reklam strategiyalarının qurulması, hədəf auditoriyanın müəyyənləşdirilməsi, kontent planlaması və effektiv reklam formatlarının seçilməsi barədə ətraflı məlumat verilib. Eyni zamanda 6 nəfər iştirakçının olduğu təlimdə sosial media və axtarış motoru reklamları, klik əsaslı kampaniyalar (CPC), analitika və nəticələrin ölçülməsi, reklam büdcəsinin optimallaşdırılması və brend tanıtımının gücləndirilməsi üsulları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.