Xəbərlər

Gəncə KOB İnkişaf Mərkəzi (KOBİM) tərəfindən "Resursların idarəsi" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Resursların idarəsi" mövzusunda maarifləndirici təlim keçirilib. Oktyabrın 29-da təşkil olunan təlimdə Gəncə KOBİM-in eksperti tərəfindən insan, maliyyə və maddi resursların səmərəli idarə olunması, resurs bölgüsünün planlaşdırılması, prioritetlərin müəyyənləşdirilməsi və məhsuldarlığın artırılması üçün müasir idarəetmə üsulları barədə ətraflı məlumat verilib. Eyni zamanda 5 nəfər iştirakçının olduğu təlimdə resurs istifadəsində optimallaşdırma, vaxtın idarə olunması, komanda potensialının düzgün yönləndirilməsi, layihələrdə resurs balansının qorunması və strateji qərarların qəbulunda resurs analizinin rolu ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.