Xəbərlər

Gəncə KOB İnkişaf Mərkəzi (KOBİM) tərəfindən "Riskin 4 cavabı: Avoid, Reduce, Transfer, Accept" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Riskin 4 cavabı: Avoid, Reduce, Transfer, Accept" mövzusunda maarifləndirici təlim keçirilib. Noyabrın 6-da təşkil olunan təlimdə Gəncə KOBİM-in eksperti tərəfindən layihə və biznes fəaliyyətində qarşıya çıxan risklərin növləri, onların idarə olunma üsulları və dörd əsas yanaşma – riskdən qaçmaq (Avoid), riskləri azaltmaq (Reduce), riskləri ötürmək (Transfer) və riskləri qəbul etmək (Accept) barədə ətraflı məlumat verilib. Eyni zamanda 6 nəfər iştirakçının olduğu təlimdə real nümunələr üzərində risklərin qiymətləndirilməsi, uyğun strategiyaların seçilməsi və risklərin biznes qərarlarına təsiri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.