Xəbərlər

Gəncə KOB İnkişaf Mərkəzi (KOBİM) tərəfindən "Risklərin idarə olunması" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Risklərin idarə olunması" mövzusunda maarifləndirici təlim keçirilib. Oktyabrın 24-də təşkil olunan təlimdə Gəncə KOBİM-in eksperti tərəfindən biznesdə risk anlayışı, risklərin növləri, onların qiymətləndirilməsi və azaldılması üsulları, qərarvermə prosesində risk idarəetməsinin rolu və müasir yanaşmalar barədə ətraflı məlumat verilib. Eyni zamanda 7 nəfər iştirakçının olduğu təlimdə maliyyə, əməliyyat və reputasiya risklərinin idarə olunması, risklərin monitorinqi və nəzarət mexanizmləri, risklərin sığortalanması, həmçinin böhran vəziyyətlərində effektiv idarəetmə strategiyaları ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.