Xəbərlər

Gəncə KOB İnkişaf Mərkəzi (KOBİM) tərəfindən "Satınalma səbəbləri və motivləri təhlil etmək" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Satınalma səbəbləri və motivləri təhlil etmək" mövzusunda maarifləndirici təlim keçirilib. Noyabrın 26-da təşkil olunan təlimdə Gəncə KOBİM-in eksperti tərəfindən istehlakçı və təşkilatların satınalma qərarlarına təsir edən psixoloji və iqtisadi amillər, motivasiya mexanizmləri, ehtiyacların müəyyənləşdirilməsi, dəyər qavrayışı və satınalma davranışının analizi barədə ətraflı məlumat verilib. Eyni zamanda 5 nəfər iştirakçının olduğu təlimdə satınalma motivlərinin təsnifatı, emosional və rasional qərarvermə faktorları, müştəri gözləntilərinin analizi, davranış nümunələrinin təhlili və satış strategiyalarında motivasiya məlumatlarının istifadəsi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.