Xəbərlər

Gəncə KOB İnkişaf Mərkəzi (KOBİM) tərəfindən "Satışda psixoloji triggerlər" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Satışda psixoloji triggerlər" mövzusunda maarifləndirici təlim keçirilib. Noyabrın 6-da təşkil olunan təlimdə Gəncə KOBİM-in eksperti tərəfindən alıcı davranışına təsir edən psixoloji amillər, satınalma qərarlarını sürətləndirən triggerlər, etimad və emosional əlaqələrin qurulması, həmçinin satış prosesində psixoloji texnikaların tətbiqi barədə ətraflı məlumat verilib. Eyni zamanda 6 nəfər iştirakçının olduğu təlimdə real satış nümunələri üzərində triggerlərin istifadəsi, satış strategiyalarının gücləndirilməsi və müştəri reaksiyalarının proqnozlaşdırılması ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.