Xəbərlər

Gəncə KOB İnkişaf Mərkəzi (KOBİM) tərəfindən "Sosial sübut (Social Proof) və satışa təsir" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Sosial sübut (Social Proof) və satışa təsir" mövzusunda maarifləndirici təlim keçirilib. Noyabrın 26-da təşkil olunan təlimdə Gəncə KOBİM-in eksperti tərəfindən sosial sübut anlayışı, sosial təsirin psixoloji mexanizmləri, müştəri qərarverməsində ictimai rəyin rolu, rəylər, referanslar və istifadəçi təcrübələrinin satış prosesinə təsiri barədə ətraflı məlumat verilib. Eyni zamanda 6 nəfər iştirakçının olduğu təlimdə brendin güvən yaradılması, nüfuz marketinqi, sosial media reaksiyalarının satışla əlaqəsi, real müştəri hekayələrinin satış strategiyalarında istifadəsi və sosial sübutun müxtəlif növlərinin tətbiqi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.