Xəbərlər

Gəncə KOB İnkişaf Mərkəzi (KOBİM) tərəfindən "Startap maliyyələşməsi" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Startap maliyyələşməsi" mövzusunda maarifləndirici təlim keçirilib. Oktyabrın 10-da təşkil olunan təlimdə Gəncə KOBİM-in eksperti tərəfindən startapların maliyyə strategiyaları, ilkin kapitalın formalaşdırılması, investorlarla əməkdaşlıq, qrant və fond imkanları, eləcə də startap ekosistemində maliyyə dayanıqlığının təmin olunması barədə ətraflı məlumat verilib. Eyni zamanda 5 nəfər iştirakçının olduğu təlimdə təqdimat bacarıqları, investisiya cəlb etmə mərhələləri, maliyyə planlaşdırılması, risklərin idarə edilməsi və startapların uğur nümunələri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.