Xəbərlər

Gəncə KOB İnkişaf Mərkəzi (KOBİM) tərəfindən "Süni intellekt əsasları" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Süni intellekt əsasları" mövzusunda maarifləndirici təlim keçirilib. Oktyabrın 16-da təşkil olunan təlimdə Gəncə KOBİM-in eksperti tərəfindən süni intellektin mahiyyəti, onun əsas istiqamətləri, maşın öyrənməsi və neyron şəbəkələrin prinsipləri, süni intellektin gündəlik həyatda və biznesdə tətbiq sahələri barədə ətraflı məlumat verilib. Eyni zamanda 5 nəfər iştirakçının olduğu təlimdə ağıllı sistemlərin qurulması, məlumatların emalı və analizi, avtomatlaşdırılmış qərarvermə prosesləri, süni intellekt texnologiyalarının iqtisadi səmərəliliyə təsiri və etik məsələlər ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.