Xəbərlər

Gəncə KOB İnkişaf Mərkəzi (KOBİM) tərəfindən "Təchizatçı performans indekslərinin hesablanması" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Təchizatçı performans indekslərinin hesablanması" mövzusunda maarifləndirici təlim keçirilib. Noyabrın 21-də təşkil olunan təlimdə Gəncə KOBİM-in eksperti tərəfindən təchizatçı performansının qiymətləndirilməsi meyarları, KPI-ların müəyyənləşdirilməsi, çatdırılma dəqiqliyi, keyfiyyət göstəriciləri, qiymət sabitliyi və risklərin azaldılmasına xidmət edən ölçü indeksləri barədə ətraflı məlumat verilib. Eyni zamanda 4 nəfər iştirakçının olduğu təlimdə performans indekslərinin hesablanması metodları, təchizatçıların müqayisəli analizi, uzunmüddətli əməkdaşlıq üçün seçmə meyarları, məlumatların toplanması və qiymətləndirmə nəticələrinin qərarvermədə tətbiqi ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.