Xəbərlər

Gəncə KOB İnkişaf Mərkəzi (KOBİM) tərəfindən "Vergi uçotu" mövzusunda maarifləndirici təlim keçirilib

Gəncə KOBİM tərəfindən növbəti təlim keçirilib Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən "Vergi uçotu" mövzusunda maarifləndirici təlim keçirilib. Oktyabrın 16-da təşkil olunan təlimdə Gəncə KOBİM-in eksperti tərəfindən vergi uçotunun mahiyyəti, vergi öhdəliklərinin müəyyənləşdirilməsi, gəlir və xərclərin uçotu, hesabatlılıq qaydaları və müasir vergi idarəetmə sistemləri barədə ətraflı məlumat verilib. Eyni zamanda 5 nəfər iştirakçının olduğu təlimdə vergi növləri və tətbiq sahələri, elektron vergi bəyannamələrinin doldurulması, vergi güzəştləri, sahibkarlar üçün praktiki tövsiyələr və şəffaf maliyyə idarəçiliyi prinsipləri ilə bağlı məlumat verilib. Sonda iştirakçıların mövzu ilə bağlı sualları cavablandırılıb. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.