Xəbərlər

Gəncə KOBİM-in dəstəyi ilə KOB subyektlərinə məsləhət xidmətləri davam edir

Gəncə KOBİM-in dəstəyi ilə KOB subyektlərinə məsləhət xidmətləri davam edir Oktyabrın 10-da Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən 7 nəfər sahibkara biznes planın yazılması və maliyyə resurslarına çıxış istiqamətində məsləhət xidməti göstərilib. Gəncə KOBİM-ə geyim satışı, toxuculuq məhsulları, kənd təsərrüfatı, geyim istehsalı, təhsil və hüquq xidmətləri istiqaməti üzrə fəaliyyət göstərən sahibkarlar Namiq Allahverdiyev, Günel Əliyeva, Maarifə Məsimova, Gülgəz Abdullayeva, Seymur Zeynalov və Fərid Səbzəliyev müraciət edərək biznes planın yazılması və maliyyə resurslarına çıxış istiqamətində dəstəyə ehtiyacı olduğunu bildirib. Nəticə olaraq Gəncə KOBİM-in eksperti tərəfindən qeyd olunan sahə üzrə araşdırmalar və təhlillər aparılaraq sahibkarlara dəstək göstərilib. Zərurət yarandığı təqdirdə KOB subyektinə bu və ya digər mövzularla bağlı dəstək göstərilməsi davam etdiriləcək. Qeyd edək ki, Gəncə KOBİM-in xidmətlərindən faydalanmaq üçün (+994) 51 919-60-84 nömrəsi ilə əlaqə saxlaya və ya gence@kobim.az elektron poçt ünvanına müraciət edə bilərsiniz. Gəncə KOBİM tərəfindən göstərilən bütün xidmətlər ödənişsizdir.