Xəbərlər

KOB subyektləri üçün "Biznes planlaşdırması: A-dan Z-yə uğurlu biznes planı hazırlama" mövzusunda təlim keçirilib.

Sentyabrın 25 -də Gəncə KOB İnkişaf Mərkəzi (KOBİM) tərəfindən KOB subyektləri üçün "Biznes planlaşdırması: A-dan Z-yə uğurlu biznes planı hazırlama" mövzusunda təlim keçirilib. 11 nəfərin iştirak etdiyi təlimlərdə Gəncə KOBİM-in peşəkar eksperti tərəfindən biznesin düzgün planlaşdırılması, məqsədi və istiqamətləri düzgün müəyyənləşdirmək, bazarın doğru və düzgün araşdırılması, rəqiblərin dəqiq təhlil edilməsi, rəqabət qabiliyyətliyin qiymətləndirilməsi, həmçinin risklərin dəyərləndirilməsi və mənfəətin əldə edilməsi haqqında ətraflı məlumat verilib. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.