Xəbərlər

KOB subyektləri üçün "Korporativ maliyyə: Şirkətlərin maliyyə strukturunun qurulması" mövzusunda təlim keçirilib.

Sentyabrın 11-də Gəncə KOB İnkişaf Mərkəzi (KOBİM) tərəfindən KOB subyektləri üçün "Korporativ maliyyə: Şirkətlərin maliyyə strukturunun qurulması" mövzusunda təlim keçirilib. 15 nəfərin iştirak etdiyi təlimlərdə Gəncə KOBİM-in peşəkar eksperti tərəfindən korporativ maliyyə, şirkətlərdə maliyyə strukturunun qurulması, strukturun hazırlanmasında diqqət olunacaq məqamlar, effektiv struktur qurmaq üçün lazım olan resurs və alətlər haqqında ətraflı məlumat verilib. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.