Xəbərlər

"Korporativ hüquq: Əmək münasibətlərinin tənzimlənməsi" mövzusunda təlim keçirilib.

Dekabrın 6-da Gəncə KOB İnkişaf Mərkəzi (KOBİM) tərəfindən KOB subyektləri üçün "Korporativ hüquq: Əmək münasibətlərinin tənzimlənməsi" mövzusunda təlim keçirilib. 17 nəfərin iştirak etdiyi təlimlərdə Gəncə KOBİM-in peşəkar eksperti tərəfindən əmək münasibətləri, tənzimlənmə mexanizmləri və əmək münasibətlərinə qanuni müstəvidə baxılması qaydaları haqqında ətraflı məlumat verilib. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.