Xəbərlər

"Maliyyə idarəetmə: Sahibkar büdcəni necə idarə etsin?" və "Maliyyə idarəetmə: Özəl fondlar və beynəlxalq maliyyə institutlarının sahibkarlara dəstəyi" mövzularında maarifləndirici təlimlər keçiriləcək.

Noyabrın 3-də Gəncə KOB İnkişaf Mərkəzi (KOBİM) tərəfindən "Maliyyə idarəetmə: Sahibkar büdcəni necə idarə etsin?" və "Maliyyə idarəetmə: Özəl fondlar və beynəlxalq maliyyə institutlarının sahibkarlara dəstəyi" mövzularında maarifləndirici təlimlər keçiriləcək. Təlim zamanı Gəncə KOBİM-in peşəkar eksperti Əhməd Əhmədov aşağıdakı mövzulardan danışacaq: - Sahibkarlıq fəaliyyətində büdcənin düzgün idarə edilməsi texnikaları; - Sahibkar büdcəni effektiv idarəetməsi üçün hansı bilik və bacarıqlara sahib olmalıdır?; - Özəl fondlar və beynəlxalq maliyyə institutlarının işləmə prinsipləri; - Perspektivli qəbul edilən biznes istiqamətləri. Birinci təlim 3 noyabr saat 12:00-da, ikinci təlim eyni gün 15:00-da keçiriləcəkdir. İştirak etmək üçün (+994) 51 919-60-84 nömrəsi ilə əlaqə saxlaya və ya gence@kobim.az elektron poçt ünvanına müraciət edə bilərsiniz. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.