Xəbərlər

"Marketinq: Brendin inkişafı və idarəetmə" və "Marketinq: Müştəri mərkəzli marketinq sisteminin qurulması" mövzularında maarifləndirici təlimlər keçiriləcək.

Oktyabrın 20-də Gəncə KOB İnkişaf Mərkəzi (KOBİM) tərəfindən "Marketinq: Brendin inkişafı və idarəetmə" və "Marketinq: Müştəri mərkəzli marketinq sisteminin qurulması" mövzularında maarifləndirici təlimlər keçiriləcək. Təlim zamanı Gəncə KOBİM-in peşəkar eksperti Malik Əmirxanov aşağıdakı mövzulardan danışacaq: - Brendin formalaşdırılması - Brendləşmənin biznesin inkişafına təsirləri - Brendləşmənin idarəetməyə mənfi və müsbət təsiriləri - Marketinqdə müştərinin yeri - Müştəri mərkəzli marketinq strategiyasının qurulması texnikaları Birinci təlim 20 oktyabr saat 11:00-da, ikinci təlim eyni gün 15:00-da keçiriləcəkdir. İştirak etmək üçün (+994) 51 919-60-84 nömrəsi ilə əlaqə saxlaya və ya gence@kobim.az elektron poçt ünvanına müraciət edə bilərsiniz. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.