Xəbərlər

"Marketinq: Kənd təsərrüfatı məhsullarının marketinqi" və "Korporativ hüquq: Əmək münasibətlərinin tənzimlənməsi" mövzularında maarifləndirici təlimlər keçiriləcək.

Noyabrın 28-də Gəncə KOB İnkişaf Mərkəzi (KOBİM) tərəfindən "Marketinq: Kənd təsərrüfatı məhsullarının marketinqi" və "Korporativ hüquq: Əmək münasibətlərinin tənzimlənməsi" mövzularında maarifləndirici təlimlər keçiriləcək. Təlim zamanı Gəncə KOBİM-in peşəkar eksperti Elşad Fərzalıyev aşağıdakı mövzulardan danışacaq: - Kənd təsərrüfatı məhsullarının düzgün təqdimatı; - Kənd təsərrüfatı sektorunda effektiv marketinq texnikaları; - Əmək münasibətləri və tənzimlənmə mexanizmləri; - Əmək münasibətlərinə qanuni müstəvidə baxış. Birinci təlim 28 noyabr saat 10:00-da, ikinci təlim eyni gün 14:00-da keçiriləcəkdir. İştirak etmək üçün (+994) 51 919-60-84 nömrəsi ilə əlaqə saxlaya və ya gence@kobim.az elektron poçt ünvanına müraciət edə bilərsiniz. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.