Xəbərlər

Növbəti şəbəkələşmə görüşü təşkil olunub

Noyabrın 24-də Gəncə KOB İnkişaf Mərkəzi (KOBİM) tərəfindən KOB subyektləri üçün "Yeni bizneslərin maliyyə resurslarına çıxışı və mövcud dəstək mexanizmləri" mövzusunda şəbəkələrlə görüşü təşkil edilib. 18 nəfərin iştirak etdiyi şəbəkələşmə görüşündə KOB İnkişaf Mərkəzinin peşəkar ekspertləri iştirak edib. Görüş zamanı yeni bizneslər və onun perspektiv istiqamətləri, güzəştli kreditlər, sahibkarlara göstərilən dəstək mexanizmləri haqqında ətraflı məlumat verilmişdir. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.