Xəbərlər

"Rəqəmsal bacarıqlar: Kənd təsərrüfatı məhsullarının satışında sosial medianın rolu" mövzusunda təlim keçirilib.

Oktyabrın 26-da Gəncə KOB İnkişaf Mərkəzi (KOBİM) tərəfindən KOB subyektləri üçün "Rəqəmsal bacarıqlar: Kənd təsərrüfatı məhsullarının satışında sosial medianın rolu" mövzusunda təlim keçirilib. 13 nəfərin iştirak etdiyi təlimlərdə Gəncə KOBİM-in peşəkar eksperti tərəfindən kənd təsərrüfatı məhsullarının brendləşdirilməsi, sosial medianın kənd təsərrüfatında tətbiqi və effektiv satışlar üçün sosial media alətlərindən düzgün istifadə qaydaları haqqında ətraflı məlumat verilib. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.