Xəbərlər

"Rəqəmsal bacarıqlar: Rəqəmsal bacarıqların inkişafının biznesə təsirləri" və "Rəqəmsal bacarıqlar: Rəqəmsal bacarıqların kənd təsərrüfatında rolu" mövzularında maarifləndirici təlimlər keçiriləcək.

Noyabrın 12-də Gəncə KOB İnkişaf Mərkəzi (KOBİM) tərəfindən "Rəqəmsal bacarıqlar: Rəqəmsal bacarıqların inkişafının biznesə təsirləri" və "Rəqəmsal bacarıqlar: Rəqəmsal bacarıqların kənd təsərrüfatında rolu" mövzularında maarifləndirici təlimlər keçiriləcək. Təlim zamanı Gəncə KOBİM-in peşəkar eksperti Elşad Fərzaliyev aşağıdakı mövzulardan danışacaq: - Təməl rəqəmsal bacarıqlar; - Rəqəmsal bacarıqların biznesin inkişafına təsirləri; - Rəqəmsal alətlərin kənd təsərrüfatına adaptasiyası; - Rəqəmsal alətlərin kənd təsərrüfatı məhsullarının brendləşdirilməsində rolu və yeri. Birinci təlim 12 noyabr saat 10:00-da, ikinci təlim eyni gün 14:00-da keçiriləcəkdir. İştirak etmək üçün (+994) 51 919-60-84 nömrəsi ilə əlaqə saxlaya və ya gence@kobim.az elektron poçt ünvanına müraciət edə bilərsiniz. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.