Xəbərlər

"Rəqəmsal bacarıqlar: SMM işinin təşkili" və "Rəqəmsal bacarıqlar: Rəqəmsal alətlərin turizm sektorunda effektiv tətbiq texnikaları" mövzularında maarifləndirici təlimlər keçiriləcək.

Noyabrın 4-də Gəncə KOB İnkişaf Mərkəzi (KOBİM) tərəfindən "Rəqəmsal bacarıqlar: SMM işinin təşkili" və "Rəqəmsal bacarıqlar: Rəqəmsal alətlərin turizm sektorunda effektiv tətbiq texnikaları" mövzularında maarifləndirici təlimlər keçiriləcək. Təlim zamanı Gəncə KOBİM-in peşəkar eksperti Şamo Salayev aşağıdakı mövzulardan danışacaq: - SMM nədir?; - SMM fəaliyyətinin biznesə təsirləri; - Düzgün SMM strategiyaları; - Turizm sektorunda rəqəmsal alətlərin yeri və rolu; - Bu istiqamətdə beynəlxalq təcrübə. Birinci təlim 4 noyabr saat 10:00-da, ikinci təlim eyni gün 14:00-da keçiriləcəkdir. İştirak etmək üçün (+994) 51 919-60-84 nömrəsi ilə əlaqə saxlaya və ya gence@kobim.az elektron poçt ünvanına müraciət edə bilərsiniz. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.