Xəbərlər

"Yeni bizneslərin maliyyə resurslarına çıxışı və mövcud dəstək mexanizmləri" mövzusunda şəbəkələrlə görüşü təşkil edilib.

Noyabrın 14-də Gəncə KOB İnkişaf Mərkəzi (KOBİM) tərəfindən KOB subyektləri üçün "Yeni bizneslərin maliyyə resurslarına çıxışı və mövcud dəstək mexanizmləri" mövzusunda şəbəkələrlə görüşü təşkil edilib. 12 nəfərin iştirak etdiyi şəbəkələşmə görüşündə KOB İnkişaf Mərkəzinin peşəkar ekspertləri iştirak edib. Görüş zamanı yeni bizneslər və perspektiv istiqamətlər, maliyyə mənbələri tərəfindən təqdim edilən güzəştlər və mövcud kriteriyalar, dövlət və özəl mənbələr tərəfindən yaradılmış dəstək mexanizmləri haqqında ətraflı məlumat verilmiş, sahibkarlar və sahibkar olmaq istəyən şəxslər arasında şəbəkələşmə uğurla həyata keçirilmişdir. Qeyd edək ki, Gəncə KOBİM tərəfindən göstərilən bütün xidmətlər ödənişsizdir.